Шетелдік банктердің Қазақстан нарығына шығуы жеңілдейді

Қазақстанда шетелдік банктерді ашу шарттарын жеңілдететін түзетулер дайындалуда. Бұл туралы Мәжіліс отырысында Қаржы нарығын реттеу және дамыту агенттігінің басшысы Мәдина Әбілқасымова мәлім етті. Түзетулер рейтингі жоғары банктер үшін құжаттар тізімін қысқартып, филиалдар үшін активтерге қойылатын талаптарды азайтады. Сондай-ақ шетел банктері үшін рұқсат етілген қызметті, оның ішінде валюталық операцияларды және төлем карточкаларын шығаруды кеңейту жоспарлануда. Өзгерістер шетелдік банктерді тартуға және сектордағы бәсекелестікті арттыруға бағытталған.